عايزين رسالتنا توصل لكل مريض

أنت مش لوحدك

أحنا كلنا معاك…

بقلوبنا شايفينك…وبعقولنا حاسين أد إيه بتعاني..

وبجهودنا و أموالنا حنوصللك في كل مكان في القاهرة….

عايزين رسالتنا توصل كمان لكل انسان بيحب الخير

                                       لكل إنسان بيدور علي إنسان محتاج…عندنا قوائم كتير في الانتظار…

                                      لكل إنسان عايز يرضي ربنا بمساعدة المرضي المحتاجين للعلاج و للرعاية…

إتعرف علينا وعلي نشاطاتنا

مد ايديك لينا و تعالي معانا

شاركنا العمل و السعادة و احنا بنشوف البسمة علي وجه مريض وصل له علاجه وبدأ يحس بالراحة  والسعادة لما بنشوف مريض نال الشفا وبيدعي لنا من قلبه و الثواب و الأجر من عند الله سبحانه و تعالي بإذن الله ….

 أهلا ياكل الدنيا…

بنقدم نفسنا ليكم ..

أحنا جمعية أصدقاء المرضي…فرع القاهرة…

هدفنا سامي و نبيل… بنتمني نساعد كل مريض محتاج علي أرض القاهرة…

أول من أنشأ الجمعية كانوا الأخصائيين الاجتماعيين…دلوقت الجمعية بتضم أعضاء من مختلف فئات المجتمع..

بتعتمد مواردنا علي زكاة المال و التبرعات و المساعدات اللي بتقدمها الجهات الحكومية …

كل مازادت مواردنا كل ماامتدت مظلة خدماتنا…